click click click

Thursday, August 28, 2008

Litratong Pinoy: Ayaw Ko! (Reject)

Ito ang aking lahok para sa Litratong Pinoy ngayong Huwebes na may temang

Ayaw ko!

Pagdating sa photography, ayaw ko ng:

  • malabong kuha (blurred) na dulot ng camera shake
  • mali ang settings ng camera ko
  • mali ang composition ko
  • mali ang focusing ko

Kapag passionate ako sa isang bagay, gusto ko na tama ang ginagawa ko at ayaw ko na nagkakamali. Kaya pag pangit o mali ang mga kuha kong litrato, naiinis ako at nanghihinayang dahil may mga pagkakataon na minsan ko lang makakukuhanan, mali pa pala ako.

Ang asawa ko ang aking mentor/coach pagdating sa photography. Kahit minsan ay napagsasabihan ako ng asawa dahil madalas akong magkamali sa pagkuha ng litrato, natutuwa at nagpapasalamat ako na pinagtya-tiyagaan niya akong turuan.

Sana balang araw, maisaulo kong lahat ng dapat kong malaman sa photography para maiwasan ang nga reject ng litrato ko.

Maligayang Huwebes!